En 1927, construíuse un embarcadoiro fluvial de formigón no río Ulla, nas Caneiras. Dende este embarcadoiro partía un teleférico tipo Bleichert de 800 metros de lonxitude. Era un sistema de dobre cable: un cable groso e tensado sostiña as góndolas, mentres que un cable máis fino, accionado por un motor, as movía. As torres metálicas, separadas por 50 m e con bases de ladrillo, aínda se conservan parcialmente. O embarcadeiro xa non existe.
A arxila de Mesía chegaba en barcazas ata este punto, e dende aquí transportábase á fábrica mediante o teleférico. Tamén se recibía madeira para alimentar os fornos. Os produtos acabados na fábrica—ladrillos, tellas e bovedillas— enviábanse dende este embarcadoiro a Vilagarcía de Arousa e outros destinos.
