Polvorín

Pequeno almacén de explosivos escavado na rocha. Atópase perfectamente revogado de cemento e posuía ventilación. Na entrada obsérvase musgo fluorescente (Schistotega pennata, non tocalo nin pisalo), frecuente nalgunhas minas e covas. O seu rechamante brillo dálle o nome de “Ouro de Duende” e débese a células formadas para recoller luz. Tamén está a caseta onde se gardaban os detonadores. Por seguridade os detonadores non se almacenaban nin se transportaban xuntos. Existen outros polvoríns na parte alta da mina.