A area véndese tal como sae da nora ou despois de ser clasificada por tamaños. A maquinaria que vemos aquí utilízase precisamente para este fin. Clasificar a area —e os áridos en xeral— por tamaño permite mesturalos en proporcións calculadas para obter a granulometría adecuada na fabricación de formigón ou de pavimentos asfálticos.
A demanda de formigón nos países desenvolvidos durante o último século foi extraordinariamente elevada. No caso de España, a produción anual sitúase arredor dos 25 millóns de metros cúbicos de formigón preparado (formigón fabricado en plantas), unha cifra que pode variar segundo o ciclo económico.
