A Chaira da Limia alberga numerosas explotacións mineiras que extraen area de alta calidade para a construción. Os ocos creados por esta actividade énchense de forma natural, o que converte a zona nun espazo de alto valor ecolóxico para observar a flora e a fauna acuáticas.
No observatorio de aves —que recrea unha das construcións tradicionais da zona mediante o uso de terróns— podemos comprender mellor como se formou esta paisaxe tan singular e como chegou a converterse nun espazo único pola súa biodiversidade.
